Consuelo “Nana O’o'” Castillo – Awardee 2008


Naipasngay idi Abril 19, 1914 iti Brgy. 14, Villanueva St., iti siudad ti Laoag ti mabigbigbig nga  Nana O’o’.  Iti naganus nga tawenna, nagpapa-ay nga alila , nagaywan ti maysa nga ubing nga babai  nga agsursuro ken marigatan nga agbalikas.  Daytoy nga ubing ti nangted nagan ken Nana O’o’ gapu ta marigatan nga mangbalikas ti naganna nga Consuelo.  Napatanuynuyan daytoy nga awag aginga kadagitoy.

Nagpatingga laeng iti maikapat a tukad ti elementaria ni Nana O’o’ itn dati nga Holy Ghost Academy, nga  Holy Spirit Academy itan  iti Laoag. Naikiasawa ken ni dati nga +Cirilo Castillo, idi sakbay ti pangbettak ti maikadua a gubat ti sangalubungan, ket naadaanda iti uppat nga annak.iti laksid ti adu nga rigat nga nagdalananda.

Adu dagiti mangraraem ken ni Nana O’o’ kadagiti sumagmamano nga purok ken Barbarangay ti siudad ti Laoag.  Iti tawenna nga 94, kabaelanna pay laeng ti agtagibalay, agur urnos ken mangtarimaan kadagiti perdi a paset ti pagtaenganda.

Kangrunaanna, ti awan dumana nga anus nga mangitultuloy  a mangipakita ti pannakaipateg ti kannawidan a panangikarkararag ken seremonyas idi punganay nga maipaay kadagiti sumina ditoy a biag  pakairamanan dagiti  agpasina a rebbengna laeng nga maaywanan, ipateg ken saan nga pukawen.

You may also like