Raymundo “Mundo” Gaspar – Awardee 2008


Naipasngay idi Marso 15, 1925, iti bassit a pagtatalonan iti Brgy. Cabungaan, iti siudad ti Laoag. Iti rigat ti panagbiagda kadagidi a pannawen, nagpatingga laeng iti maikatlo a tukad ti elementarya  iti Zamboanga Elementary School.  Gapu iti nababa laeng a nagun-odanna nga adal, simusurot kadagidi karkarrubada nga agl-allawagi iti laksid ti naganus pay laeng nga tawenna. Ditoy nga in inut nga nakasursuro nga agaramat kadagiti ramit ti panagtrabaho.

Impasnekna ti nagsursuro agingana nga nagwayas ken nagbukbukod idi makapartuat iti sabali nga estilo. Gapu iti anus, nasursurona ti nagaramid kadagiti disenyo iti panagaramid ti tawa a capiz, agtarimaan kadagiti dadael nga ramit ti pagtalon ket kangrunaanna ti pangsangal ti kalesa. Nakiasawa ken ni dati nga +Madalena Gaoiran ket naparaburanda iti walo nga annak.

Ad-adda nga ti kalesa ti indumdumana nga inasikaso nga ingana nga nabukelna ti bukodna nga nagbalin nga modelo idi 1960.

Intultuloy ni Tata Mundo ti saan nga agsarday nga pasnek nga agaramid, agtarimaan  ken agsangal ti kalesa agpappapan pay laeng kadagitoy iti laksid ti kinalakayna.  Daytoy ti mangipakita ti saan na nga panangbay-bay-a iti pannakaaywan ken pannakaipateg ti kalesa a lugan idi punganay, kasta met ti kadawyan a ramit ken wagas ti panagsangal a rebbengna laeng nga maitultuloy ken maaywanan.

You may also like